Biografia e Bleona Qerretit

Datë lindja: 14.05.1979

Vendlindja: Korçe

Vendbanimi: Tiranë dhe Detroit, Michigan

Gjatësia: 174 Cm

Pesha: 57 kg

Shenja zodiakale: Demi
Që Belona Qereti do të bëhej një ditë një prej këngëtareve më të suksekseshme në Shqipëri, kjo do të kuptohej që në daljet e saj të para në skenë, atëherë kur ishte fare e vogël.

Në të gjitha aktivitetet e fëmijëve që organizoheshin në qytetin e saj të lindjes, në Korçë, e më pas edhe në Elbasan, ajo i thithte si me magji sytë dhe vëmendjen e të gjithëve. Në fakt nuk kishte nevojë të përdorte asnjë prej magjive që kishte njohur nëpër librat me përralla. Kishte vetë dhuntinë për të rënë në sy kudo që shkonte e në gjithcka që bënte. Ndaj jo më kot, në vitin 1991, vogëlushen lozonjare, që kishte nisur të hidhte shtat tashmë, e zgjodhën për të përfaqësuar Shqipërinë në festivalin ballkanik, i cili u zhvillua në Preveza të Greqisë.

Vetëm pak kohë më pas do të pushtonte skenën e teatrit "Skampa" në Elbasan, jo më vetëm si këngëtare por edhe si prezantuese e aktiviteve dhe koncerteve të ndryshme që organizoheshin mbi atë skenë. Ishin vitet 1991- 1994, kur ajo nuk ishte më shumë se 15 vjec e kur megjithatë po konkretizonte shumë prej dëshirave, që bashkëmoshatareve të saj u kishin mbetur si pjesëza të ëndrrave të përnatshme.

Por Bleona, do ta kapërcente edhe më tej këtë parashikim. Duke gllabëruar shumë shpejt jo vetëm skenat shqiptare por edhe ato jashtë Shqipërisë. Pas pjesëmarrjes së sukseshme në festivalin e pranverës 1996 ajo u ftu për një turne në Zvicer, së bashku me këngëtarët më të njohur shqiptarë. Po këtë vit merr pjesë në festivalin botëror të këngës folklorike, i cili u zhvillua në Francë, në gusht të 1996- ës, ku ishte prezantuese dhe këngëtare e grupit "Arbana", përfaqësuese e Shqipërisë në këtë festival. Dy muaj më pas nis një tur koncertesh, dy mujor, në Gjermani, Belgjike dhe Hollandë. Por ndërsa përpiqet të zgjerojë rrethin e fansave të saj kudo nëpër botë, nuk harron se destinacioni i saj është Shqiëpëria. Kështu në festivalin e dhjetorit të 1996-ës, shfaqet sërish me performancat e saj interesante, që e tregonte qartë rritjen dhe pjekurinë artistike të vajzës lozonjare. E cila kishte nisur ndërkaq të mendonte të bënte dicka ndryshe edhe jashtë skenave të koncerteve e festivaleve. Nuk vonoi shumë dhe e bëri konkrete atë që kishte kohë që e mendonte: një videoklip shumë interesant. Në pranverën e vitit 1997 megjithë kushtet e vështira social-ekonomike dhe trazirat në Shqipëri, ajo arrin të realizojë për këngën "Era" me të cilin u prezantua edhe në festivalin e pranverës '97, një klip që pak kohë më pas u trasmetua nga televizioni TV5 Francë, në një emision kushtuar Shqipërisë.

Fillimi i vitit të ri do të vinte po kaq i mbarë për Bleonën. Albumi i parë "Kam qejfin tim" që do të hidhej në treg me emrin e saj, në janarin e 1998-ës, do të shkaktonte jo pak zhurmë. Një zhurmë kjo që do të pasohej më pas me atë që do të shkaktone një tjetër angazhim i saj, që nuk kishte të bënte më vetem me muzikën. Në maj të 1998, Bleona provon të bëjë edhe prezantuesen në krah të Kastriot Caushit, rektor në Akademisë së Arteve. Ishte një koncert i madh që u zhvillua për shqiptarët në Greqi, nga Kompania "Koha Jonë", ku edhe pse do të shfaqej në një rol të ri, pra atë të prezantueses, do të këndonte sigurisht disa prej këngëve të saj më të preferuara të atyre kohëve. Ishte kjo eksperience e re, e prezantimit, që i ngacmoi edhe më shumë idenë e kahershme për të vijuar studimet e larta në Akademinë e Arteve për aktrim.

Ndërkohë një sërë ngjarjesh të tjera i shtohen rrëmbimthi curiculumit të saj përgjatë këtij viti: vera e 1999-ës e gjen në një tjetër tur të gjatë humanitar në Zvicër, Gjermani, Belgjikë, Hollandë, Austri etj..; në tetor hedh në treg video- kasetën e saj të parë me titull "Kam qejfin tim", e cila u realizua ne Gjermani gjatë verës 1999; një muaj më pas shkon sërish në Zvicër këtë herë për koncertet e saj.

Pas këtij turi, kontrata që do të nëshkruante me menaxherin Jeton Dautaj, do të thoshte një sukses edhe më i garantuar për Qeretin: 80 koncerte në të gjithë europën, nuk ishin pak. E mësuar tashmë me mirëmenaxhimin e kohëve të mbara të karrierës së saj Bleona nuk do të vononte të sillte pikërisht në këtë kohë albumin e saj të tretë, me titull "S'me behet vonë". Nuk kishte gabuar në përcaktimin e kohës së duhur. Ky album arriti rekordet e shitjes në Shqipëri. Ndërsa klipi që shoqëroi këngën "S'më bëhet vonë", të cilën Bleona e realizoi në shtatorin e 2001-shit në Itali me regjizorin Nicola Doersole, do t'ia shtonte edhe më shumë shitjet këtij albumi. Ndaj rezultati i dy turneve që Qereti do të ndërmerte në këto kohë ishte krejtësisht i parashikueshëm: shumë i suksesshëm. Në vitin 2002 rinovimi i kontrates me menaxherin Jeton Dautaj ishte i padiskutueshëm.

Ende pa u shuar jehona e një koncerti, ajo nis një tjetër tur në Gjermani e më pas edhe në Zvicër, Austri etj. Ndërkohë nuk vonon të nisë punën për albumin e saj të 5-të, për të cilin do të bashkëpunonte me kompozitorët më të mirë Ëirus I.Berani Xh.Gashi A.Hila etj dhe me autoret e teksteve A.Doci dhe J.Papingji.

Pas disa koncertesh rradhazi, edhe me këngë popullore, në Kosovë e Maqedoni, Qereti do të rikthehet përsëri shumë shpejt në Amerikë, si e ftuar për te marre pjese ne spektaklin per MISS Albania ne USA, spektakel ky që u realizua ne ambjentet eLinkoln Center ne Manhatan. Fundi i vitit 2004 e gjen sërish nëpër Evropë, në Greqi, Itali ,Zvicer dhe Gjermani.

Viti 2005 kishte një mision shumë të madh: pushtimin e Amerikës. Në marsin e këtij viti Qereti zhvillon nje nga takimet me te rendesishme ne karrjeren e saj ,me avokatin dhe menaxherin Michael Novak. Ai i propozoi kengetares qe ajo te futet ne tregun amerikan te muzikes duke provuar te realizoje nje CD me hitet me te njohura amerikane, te cilat do te hapin dyert e koncerteve ta saj ne USA jo vetem per publikun shqipetar por edhe per ate amerikan. Ne muajin prill 2005, Bleona fillon punen intensive per realizimin e kesaj Cd, ne nje nga studiot me prestigjioze ne Detroit e quajtur studio "A recording". Ne kete studio ku jane realizuar albumet e J.Z Justin Timberlake disa kenge te EMINEM si dhe kolonat zanore te filmave "Rush Our", realizohet dhe albumi i saj (në qershor 2005), me 12 këngë anglisht. Ndërsa kompozitori Kike Santander i cili njihet si njëri nga kompozitoret kryesor te kengetarit Ricky Martin, kompozon një këngë ekskluzivisht për Blerona Qeretin. "Boom Boom" që u realizua në dy variante, shqip dhe anglisht ishte boomi më I madh që Qereti do të shkaktonte në Shqipëri. Pasi morri licensën përktëse per realizimin e kenges tek Henry Foxx agency Qereti e sjell në treg këtë këngë shoqëruar me klipin e realizuar gjithashtu në Amerikë, në Miami FL me një nga kompanite me te njohura amerikane e quajtur "CHAOS FILM PRODUCTION" me producent Alyn Dorney I cili ka qene nje nga producentet e e videos "Love don't cost a thing" te J.LO.

Por bëmat e saj nuk mbarojnë me kaq. Pasi sjell në treg një tjetër klip shumë interesant (të realizuar nga Max Production), me këngën "Hallall e ke" (në shtator 2006) e cila rezulton të jetë një nga klipet më të klikuara në internet, e me të cilën këngëtarja fiton cmimin e karrierës (ndërsa nuk është më shumë se 28 vjec) në festivalin e përvitshëm të videoklipeve shqiptare, Bleona nis punën për albumin e rradhës. E përpjekjet për të realizuar dicka krejt ndryshe nga herët e tjera, fati si gjithmonë e ndihmon edhe këtë herë për t'u gjendur në vendin dhe kohën e duhur me personin e duhur. Në një takim krejt i rastësishëm, në një prej udhëtimeve të saj të shpeshta, me këngëtarin e njohur grek Triandafilos, dy këngëtarët vendosin të realizojnë një version të ri të këngës së njohur "Monaxos".